Пиво Areli - Malanka, Carousel Brewery

Разам з нашымі сябрамі з Carousel Brewery мы закруціліся ў вясёлым калабе і прыдумалі адмыслова да адкрыцця «карусельнага» бара Spin зрабіць арыгінальны і супярэчлівы гатунак. Ён спалучае рысы адразу некалькіх розных стыляў: піва адначасова кіслае і салодкае, мутнае і духмянае. Дзякуючы двум навамодным гатункам хмелю — Sabro і Talus, — якія маюць аўтахтоннае амерыканскае паходжанне, напой атрымаў яскравы пах з адценнямі какоса, шалфею, цытрусавай цэдры, косткавай садавіны. Смак насычаны і трапічны, быццам найсвяжэйшы сок, без залішняй хмелевай горычы. Уся гэтая разнастайнасць прымусіць працаваць вашыя смакавыя смочкі на максімуме, а ўражанні — хістацца ў розныя бакі, як шалёныя арэлі.