Пиво Ciemra: Idaho 7 & Medusa - Jungle Brewery, Malanka

Чарговая калабарацыя з нашымі сябрамі Jungle Brewery. Калі мы збіраемся разам, паміж намі пачынае працаваць нейкая чорная магія, і вельмі часта мы робім менавіта цёмныя і моцныя гатункі. Гэтым разам, аднак, мы зрабілі нешта зусім непрадказальнае для нашых бровараў, і зварылі першы ў гісторыі Malanka і Jungle падвойны Black IPA пад цёмнай назвай «Цемра». Чорны, насычаны смакам цёмнага восеньскага лесу, таямнічых схаваных азёр, гэты IPA напоўнены араматамі хваёвай ігліцы, вільготнага лісця, лёгкімі смажанымі нотамі, але разам з тым і водарам дзіўных фруктаў і ягад, які прыўнеслі цудоўныя хмелі Idaho 7 і Medusa. Спадзяемся, вам спадабаецца нашая сумесная чорная магія!