Зноў у нашыя рукі трапіў зусім новы гатунак хмелю, гэтым разам пад назвай McKenzie, родам з гарыстага паўночна-заходняга амерыканскага штата Арэгон. Гэты хмель з'явіўся на рынку ў 2021 годзе, таму ён яшчэ зусім малады, але менавіта таму і цікавы для нас. McKenzie характарызуецца даволі яскравымі араматамі ананаса і грэйпфрута, што выдатна пасуе нашаму мутнаму і сакавітаму New England IPA з лінейкі Imhla. Запрашаем вас у маленькае, але цікавае падарожжа ў невядомы свет хмелявых смакаў, якія ніколі не стаяць на адным месцы!