Пиво Laźnia: Biaroza i Eŭkalipt - Malanka

Раз на год, калі надвор'е змяняецца ў халодны бок, мы выпускаем адмысловы гатунак для аматараў сагравальнай лазні. Напрыканцы варкі мы дадаем венікі, каб будучы напой атрымаў асаблівыя адценні лісця. Яны цудоўна спалучаюцца з вэнджаным соладам, які мы выкарыстоўваем ў гэтым піве. Так мы спрабуем зрабіць профіль максімальна падобным да непаўторнага паху лазні. Гэтым разам мы выкарысталі падрыхтаваныя адмыслова для нас бярозавыя венікі і дапоўнілі іх невялікай колькасцю звышараматных венікаў з лісця далёкага эўкаліпту. Новая «Лазня» — лёгкае піва саламянага колеру з драўлянымі і тарфянымі адценнямі, асвяжальным пахам бярозавага лісця і тонкім араматам ментолу, мяккім хмелевым паслясмакам і даволі выразнай гаркатой. Цудоўны гатунак для выдатнага занятку!