Новую «Ліхаманку» мы зрабілі з адным з найбольш папулярных і цікавых гатункаў амерыканскага хмелю — Citra. Як вынікае з назвы, ён багаты на цытрусавыя адценні, якія цудоўна пасуюць розным IPA. Наш падвойны горкі эль мае чысты жоўта-бурштынавы колер, стойкую белую пену, насычаны пах з тонамі лімоннага джэму і цэдры лайма, а таксама трапічны смак з адценнямі персіка і манга. У паслясмаку — выразная гарчынка, лагодная, але працяглая.