Пиво Mlosć: Mosaic - Malanka

У сезон моцных стаўтаў, барлiвайнаў і патройных IPA мы запускаем новую лінейку. Аднак у адрозненне ад вышэйназваных гатункаў, наш новы Pale Ale у амерыканскім стылі закліканы палегчыць цяжкія хвіліны пасля яскравых вечароў, а таксама даць такi патрэбны адпачынак паміж куфлямі глейкіх імперскіх портэраў і густых фруктовых смузі. Хрумсткі, лёгкі, амаль паветраны, але ў той жа час на дзіва збалансаваны светлы эль Mlosć, ахмялёны адзіным і непаўторным хмелем Mosaic, напаўняе ваш келiх далікатнымі водарамі паўночнага вінаграду, свежаразрэзанага ананаса і ледзь чутнымi ноткамі хваёвай ігліцы, а мяккая гарката робіць яго яшчэ больш жаданым. Калі і ёсць у піўным свеце ўвасабленне лёгкага подыху ветру, то, мабыць, гэта яно i ёсць.