Пакуль лета яшчэ з намі, Мроіва таксама побач! Чарговы гатунак гэтага маленькага, але яскравага, IPA адлюстроўвае нашае захапленне знакамітымі амерыканскімі гатункамі хмелю Citra, Mosaic і Simcoe. Класічная камбінацыя прыўносіць у наш лёгкі, але насычаны сесіённы New England IPA мяккія араматы сакавітых карыбскіх цікі-кактэйляў, лімоннага марозіва з мятай і размарынам, і нават лёгкія адценні Campari-соды. А невялікі градус, безумоўна, дадае прывабнасці нашаму неакласічнаму міксу.