Пиво Mroiva: Galaxy - Malanka

Пасля працяглай зімовай паўзы мы аднаўляем выпуск гатункаў у лінейцы звышлёгкіх і суперпіткіх NEIPA «Мроіва». Новы гатунак зроблены з аўстралійскім хмелем Galaxy, які вельмі хутка стаў папулярным сярод аматараў сакавітых і духмяных IPA. Гэты хмель мае яскравы пах з фруктовымі і ягаднымі ноткамі. Усё гэтае багацце ён перадаў у піва. Гатунак мае непраглядны жоўты колер, выразны хмелевы профіль з тонамі суніцаў, цытрусаў і манга і аксамітны смак з ледзь заўважнай хмелевай гарчынкай.