Мы ўжо не першы раз звяртаемся да эксперыментальнага гатунку хмелю пад кодавай назвай HBC 472, які выведзены кампаніяй Hop Breeding Company. Ён мае дзікую прыроду паходжання ад амерыканскага аўтахтоннага хмелю neomexicanus і вылучаецца складаным профілем з какосавымі, трапічнымі і драўняна-ванільнымі адценнямі. Усё гэта разам з непраглядна-жоўтым колерам, белай шаўкавіста-сметанковай пенай, насычаным саграваючым смакам і лёгкай горыччу ў паслясмаку стварае запамінальны напой, які прыдзецца да спадобы ўсім аматарам сучасных NEIPA.