Калі б нам раней сказалі, што ў нашых мутных IPA мы будзем ужываць нямецкія гатункі хмелю, мы б, хутчэй за ўсё, усміхнуліся. Але ўжо другі год мы выкарыстоўваем цікавы сучасны нямецкі хмель Hallertau Blanc і атрымліваем сапраўдную асалоду ад таго, як па-іншаму ён раскрываецца ў сакавітых амерыканскіх элях. Скурка белага вінаграду, меліса і чабор, лісце чорных смуродзінаў ствараюць незвычайны букет араматаў у нашым лёгкім і мутным веснавым New England Pale Ale, а невысокі градус алкаголю робіць яго выдатным спадарожнікам даўгімі веснавымі вечарамі.