Пяшчотны і сакавіты New England Pale Ale з лінейкі Pavietra нагадвае пра лепшыя, цёплыя часы. І нават калі за вакном сапраўдная зіма, гэтая цудоўная камбінацыя лёгкай мутнай базы з ахмяленнем араматным блэндам Pink Boots стварае ўражанне, быццам у келіху зачараваная веснавая крыніца, вакол якой стаіць цудоўны арамат маладой ігліцы, ранніх духмяных кветак і дзіўных фруктаў, назвы каторых, нібыта пасля сну, ніяк не атрымаецца ўзгадаць.