Чарговая «Смуга», і зноў з новым хмелем! Гэтым разам у нашым падвойным New England IPA мы выкарысталі зусім свежы, малады хмель з далёкай Новай Зеландыі пад сакавітай назвай Nectaron. На рынку ён з’явіўся толькі ў гэтым годзе, але яго распрацоўка ад гатунку Waimea працягвалася апошнія 17 гадоў. Моцныя араматы ўжо знаёмых нам акіянічных гатункаў хмелю з яскравымі нотамі ананаса, персіка, маракуі і вільготнага трапічнага лісця прыемна ззяюць на пяшчотным мутным палатне, а далікатная гарката прыемна балансуецца салодкім смакам косткавых фруктаў. Толькі наперад!