Пиво Smuha: Pacific Gem - Malanka

Новы гатунак у нашай найбольш папулярнай лінейцы піва Smuha мы зрабілі з Pacific Gem. Гэты хмель з Новай Зеландыі з’яўляецца гібрыдам трох іншых гатункаў з розных частак свету: лакальнага Smooth Cone, амерыканскага Cluster і еўрапейскага Fuggle. Дзякуючы такой складанай селекцыі ён мае свой своеасаблівы профіль, які часцей за ўсё характарызуецца адценнямі дыні, ягадаў, салодкай цытрусавай садавіны і нават чорнага перца і дуба. Такі набор пахаў і смакаў добра пасуе да мутных і сакавітых NEIPA, а лёгкая гарчынка ў паслясмаку добра прыпраўляе шчыльную і насычаную ячменна-аўсяную базу наша піва.