Глог, верагодна, зараз успрымаецца большасьцю людзей выключна як мем, звязаны з даступнымі лекавымі настоямі. Толькі ня варта з паблажлівай усмешкай ставіцца да гэтага дрэва і ягоных пладоў. Яны, сапраўды, вельмі карысныя і дапамагаюць пры сардэчна-сасудзістых захворваннях, а таксама пазітыўна ўплываюць на працу пячонкі і шчытападобнай залозы. Апроч гэтага плады глогу выкарыстоўваюцца і ў кулінарыі. На смак яны падобныя да яблыкаў — мяккія, сопкія, даволі салодкія, з вялікім утрыманнем пектыну. З іх робяць джэмы, мармелады, соусы да розных страваў і нават віно, а мы вырашылі дадаць глог у піва. Базай для яго стаў ліхтэнхайнер — кісла-вэнджаны стыль, які паходзіць з Нямеччыны. Глог зрабіў колер піва жоўта-ружовым і прыўнёс тонкія кветкавыя і ледзь заўважныя медовыя ноткі ў паху, а таксама даўкія адценні ў смаку.
Характеристики
| Пивоварня: | Malanka |
|---|---|
| Стиль: | Historical Beer - Lichtenhainer |
| Алкоголь: | 4.3% ABV |
| Начало выпуска: | 12.11.2020 |
| Плотность: | 9.0% |
| Untappd: | https://untappd.com/b/-/4047068 |
| Солод: | Flaked Wheat × Pilsner × Whisky |
| Добавки: | Hawthorn |
| Рейтинг в Untappd: | N/A |
| Страна: | Беларусь |