Пиво Poklič: Dźmuchaŭcy - Malanka

Штогод мы збіраем першыя вясновыя дзьмухаўцы, каб зрабіць піва з імі. Сакавітыя, духмяныя і поўныя мядовага пылку кветкі, нарваныя ў чыстым полі ўдалечыні ад дарог і гарадскога жыцця, аддаюць у піва свой салодкі пах, а таксама лёгкую гарчынку. У гэты раз дзьмухаўцы мы выкарысталі ў новым сэзоне — адным з нашых улюбёных стыляў піва. Гэта вельмі піткі напой, які можа спатоліць смагу ў спёку, але ён мае складаны смак з процьмаю нюансаў. Сэзон з дзьмухаўцамі атрымаў саламяна-залацісты колер і белую трывалую пену. Пах кветкава-травяністы з эстэрнымі адценнямі дрожджаў. Смак соладавы, досыць сухі, з мінеральным характарам і прыемнай гарчынкай у паслясмаку. Частку гатунку мы выпускаем зараз, а другую — пералілі ў бонду з-пад чырвонага віна на вытрымку, каб зрабіць смак гэтага піва яшчэ больш цікавым.